close
成個二月，可以話忙到toilet都冇時間去，不過，樣樣野都可以話時間arm arm 好。
由二月頭要預備二月中嘅考試，點知年初一，二都病咗，咁就休息咗兩日，到考試日，都諗住好輕鬆，好似以為讀咗好多，都應該無乜問題，點知見到份卷，就唯有吹水啦，希望可以順利pass，咁就畢業架啦！
因為考試關係，今年報咗嘅馬拉松最後都冇跑到，再加上練都冇練，而且之前跑十公里都好吃力，所以係總總“理由下”，都係下年再黎過，好漢不吃眼前“龜”, keke！！！
考完試返工，又有好多project要follow番，Web、DR、Mainframe、file structure、Exchange…， 攪到日日都要OT. OT唔知好定唔好 $_$ ，而成個Department呢個月都好多人放假，因為個個都考試。
之前係台灣買咗本書，在“天堂預見的五個人”，其實之前係香港都見過，不過冇買到，見台灣有discount，所以買黎睇睇，都好似幾特別咁，睇咗一大半，遲下寫番個讀書報告先。
而小組就經過太約一千次嘅開會，meeting，同email嘅conversations，巳經有定案, 今個星期日下午開組，而係小組前嘅一次食飯，再拎番小組方向問題，由阿差再提出，由我提出提議，用同一本書去靈修，而我就scan了幾篇文章，大家睇下好唔好再決定買唔買. 而同一本書靈修，係因為有共同嘅野去睇，總好過自己睇，睇睇下又去咗睇波，打機. 今個星期有小組，就可以睇上大家有冇睇，檢討下。
另外，其他啲”無聊野雞”certificate，OCA最近攞咗啦，睇下M字頭嘅幾時可以攪掂佢，而家自修CISSP，希望六月可以考，不過果科野都幾貴下，$3,000，衰咗就… x_x ，如果OK，而OU果邊又OK，就好啦！
最後，最近係facebook見番好多中學同學，整整下又話約出黎食飯，都好多人會出席，而差唔多日子，又有個同學會去巴里結婚，果然係有錢人！
全站熱搜
留言列表
