l.minor

琴晚去咗Mak Sir嘅第三期訓練第一堂, 首先熱身(跑圈, stretch ), 對傳走籃, 差板, 空前傳球, 肩上傳球, 雙手cross pass, 傳球意式, 射波, 另外體能就兩樣野, 第一, 樽 – 坐, 做5 sets, 每set一百下, 每set完成後, 休息兩分鐘做第二set, 留意, 膝蓋唔可以過九十度(呢啲係以前教嘅), 呢個係增加彈跳力的. 第二, 籃球push up, 因為唔係要做胸, 而係要鍛鍊後臂三頭肌, 令到射波更有力, 所以手臂要近自己身體.

而傳球意式入邊學咗一啲野, 應該更正咗一啲概念,

1. 望上傳下
2. 望下傳上
3. 剃刀傳球 (耳邊傳, 頭頂傳)
4. 近身傳球更好傳, 要點傳
5. 幾時應該傳, 幾時唔應該傳 (冇位重傳乜鬼, 只會攞多啲turn over)
6. 應該幾時傳高波, 傳時傳低波 (其實大部份時間應該傳低波)

到射波呢一節, 以為冇乜特別, 原來一路都錯(一路入波都冇問題, 所以以為自己OK)

1. 最大問題係用錯力, 用咗後半臂啲力, 前半臂冇用力, 而Mak Sir話, 可能因”老鼠仔”太大舊, 要改用番多啲前臂,
2. 出咗手唔好大快收番前臂, 由得佢去,
3. 另外, 輔助隻手要貼小啲個波(用兩隻手指), 同放番低啲,
4. 重有瞄籃時, 隻手唔好放係頭下邊瞄, 呢個就係我嘅問題 =.=”, 其實我知道個問題好耐, 但如果放隻手上頭度瞄, 就有唔夠力嘅情況, 而家要改嘅就係放隻手上番個頭度瞄, 手(月爭)要到位置大約係下巴, 如果頭下邊瞄, 當揪番個波去出手係有機會有偏差(因為喵個位同出手個位係唔同), 所以出手就會唔準(呢個就係我一比賽嘅問題), 好多時射籃有偏差.



希望快啲可以改番正, 第一堂就係咁, 而Mak Sir用多咗半個鐘去執我地呢啲野, 香港隊教練係唔同啲呀, 雖然自己都巳經三十有二, 真係希望重有進步嘅空間, 如果遲幾年出細, 一定有得打league, 而家, 我都重信相有.