l.minor

 一覺醒來，外邊巳是陽光普照！出去露台影咗陣相，邊曬太陽，邊影相，雙重享受。正當打算到樓下買早餐，陽光唔見咗，換來卻是烏雲密報，剛行到民宿門外，雨便開始了。

之前找資料時，知道墾丁天氣可能十五分鐘巳經唔同哂，估不到我地今次親身感受，果然我地要感受墾丁嘅每一樣野，叫我地難以忘記墾丁呢個地方（不過可以落小d雨），正因為咁，我有信心三十分鐘就會出現曬到我甩皮嘅太陽！可惜，等了個幾鐘，雨仍然時大時小，黑雲仍係頭上邊。

到食完午飯，天色好似好咗，跟住決定出發去鵝鑾鼻公園，一開車就又落過，其實巳買咗雨衣，不過都係要走反轉頭，再等無雨先再出去。就係咁，一等就等到四點幾，d雲開始散，二話不說就再出發去鵝鑾鼻公園，途經砂島、香蕉灣，沿住條路直去，新鮮嘅空氣係咁打過黎，而且條路係好小車，感覺非常舒服。

之前見人係鵝鑾鼻燈塔影d相好靚，而我地就只有灰色嘅鵝鑾鼻燈塔嘅相，由於時間所限，就開始走去海邊嘅棧道，其實果度都幾鬼多蚊，行咗一小段棧道，影咗陣相，就開始原路上番去，跟住就開始去下一站 － 食生日飯。