l.minor

之前試過做gym減下肥，增下肌肉，但一去一回，又要排隊玩機，咁就巳經無咗一晚，所以攪到越來越小去，到最後就變咗名譽會員，每個月白交會費。減肥最簡單、方便嘅方法就當然落街跑步，不過成日都俾自己多多借口，跑咗兩三日就停咗；直到上星期五係屋企望落街，落雨都見有人照跑，重要唔只一個半個，幾個人分別各自跑，所以的起心肝唔好俾咁多借口自己。

啱啱星期六就開始咗我呢個project嘅第一日試跑，其實KAFO 即係Kick All Fat Out，個名都懶係勁過人；琴晚打完比賽，都有照跑，雖然有點倦，不過跑完出咗身汗都幾舒服。另外，由於之前跑步跑到膝頭有d痛，因為懶，做屈膝個動作skip咗，所以呢次改咗小小跑步方法，就係每一下要提番高小小個膝頭哥（又唔可以提太高，會好奇怪，而且會用多好多力），令到我有用大腿的四頭肌，而且又減小咗我膝頭哥硬食成個人嘅重量力度，試咗兩日又真係work喎，無痛。

不過，呢個KAFO做咗要跑外，有幾樣野要配合：
－ 要早d訓覺，令到自己有足夠休息，唔好整傷自己，最遲最遲要12:30訓
－ 要keep住一個星期，跑5 -6日，每次係屋企樓下四個圈
－ 暫時唔會加快自己速度跑，正常速度就ok
－ 跑前跑後一定要足夠熱身，減低受傷