l.minor

琴日行過運動用品器材的鋪頭，想買番個護腕給打波時用，因為人老咗，特別需要呢d野保護下，雖然要整親時，呢d護腕未必幫到手，不過用咗好似心安理得一d。

由於我有用開一個同款覺得ok，所以都打算買番一個同款，點知一睇價錢，原來要成百幾蚊架（同一牌子，幾十蚊又有個，只是質地不同）！正在周旋買與不買之間，就問下個售貨員

我：「有無折呀？係咪巳折實？」
佢：「冇折呀！」

再在猶疑之際，佢

又說道：「如果睇啱，可以俾個九折！」
我心裡邊：「xyz!@$#...」

其實我都係問下有冇折，而且差幾蚊又唔想去另外再睇，但因為忘記咗用開嘅size，所以又問可唔可試下呢？因為上次我是在同一間店試過，當時又是因為不知道用什麼size，不過，今次得到個答案居然係：「唔可以！但我可以幫你度！」

聽完我就無明火起！回覆：「咁我唔買啦！上次我買都可以試！！！」

其實頭一句對答，我巳經不太滿意，什麼沒折，後來又可以有折，什麼意思？
第二，你度完我的腳，唔代表是合我size的，可能我比較喜歡緊一點，或鬆一點，而且我又有穿襪，你怕什麼呢？那賣鞋的都可以試穿，我真不知道為什麼不可以！