l.minor

睇番blogger page提供嘅stats，原來有人search"大阪鐵路路線圖”／”大阪jr鐵路"走咗入黎我個blog呢篇大阪的鐵路網，真係要同佢地講聲唔好意思，入到黎應該搵唔到有用資料。


記得當時因為2011年去大阪時（重要係跟團），搵咗小小有關資料，自己post番有關資料出黎，不過再睇睇下，原來當時只係寫到第二日行程，跟住就爛咗尾，爛尾唔係淨係大阪，重有10年尾台北，11年中嘅墾丁．．．

再睇之後個stat，我都寫過一篇天光墟 ，果欄買生果又寫過一篇咁大把，但有個唔熟嘅朋友係facebook見到我去果欄買生果，局然問我送唔送貨？其實我都唔係賣生果，想我點送呀？我話我去買生果，唔係賣生果呀？

iPhone個pudding camera都叫介紹過，不過用yahoo search就搵到呢篇，如果用google就石沉大海；另外塔門大澳就唔講，反而我有興趣知道點解”北潭涌保良局”都會黎我個blog，其實我只係寫過”似北潭涌保良局渡假營”，但我自己係yahoo同google都search唔到，咁先係有趣。