l.minor

圍村盤菜

本身對食盤菜嘅興趣不大，但今年（2012）未過兩個月（呢篇2月巳寫好，未得閒整相）巳經食咗三餐。本身對傳統中式食物一向興趣不大，因為唔鍾意食肥膩野同太油嘅食物，肥膩嘅口感令我食得好唔自在。

會場門外

客家炆豬肉

落鹽

去水

頭兩餐盤菜係無得選擇嘅餘地進行，而第三餐卻可以選擇去或唔去，最後我選擇去嘅原因，係想睇下真正嘅盤菜宴，去感受一下盤菜宴嘅氣氛。

百人盛宴

你有你影

由於呢個盤菜宴筵開百席，所以會場安排係鄉村嘅學校球場下進行，場面非常墟冚。

過百圍的盤菜

會場門外安放幾個爐具，用來烹調客家人的豬肉砵，雖然唔係第一次見人用柴來煮食物，但今次再見，感覺仍然新鮮。

柴火煮食

知道當日人多，所以選擇坐的士到會場，的士司機問我地去食盤菜？今次開成百席喎！無想過一百席係戶外食飯嘅情景會係點？但親眼見到原來係好震撼！

大會安排咗舞麒麟同醒獅表演，一向我認定係同一樣野，原來卻係唔同嘅野。知道醒獅有個採青環節，而醒獅隊就加插咗「噴糖」，令到在場小朋友非常開心。

醒獅表演

盤菜開始，台上有歌唱表演同現金抽獎，從來都無抽獎運嘅我當然空手而回，另外原來今次人太多嘅關係，盤菜卻係從另一些專做盤菜嘅鄉村提供，而佢地只親手做客家豬肉砵。

舞麒麟

個個看到聚精會神

醒獅採青

由於人太多，本身接駁村與市區的小巴也應接不下，鄉公所特別安排免費旅遊小巴送食客到公共交通接駁點，否則天黑都未出到外邊。