之前參加咗Visit Japan攪嘅「發現新瀛式」攝影比賽，經過最後嘅篩選，幸運入咗最後20強；入咗20強當然開心，最好就有獎攞啦！不過直到今日都收唔到通知，都應該凍過水。
講番攝影比賽，通常篩選完出黎嘅都會有好多評語，一定會有d相會被人「標籤」為「呢張都得呀！」又或者「呢d相都入到圍？」特別係有d技術高超（我唔係有技術的人），成日都影到出色作品，但最後入唔到圍，一定會氣憤難平；其實我覺得影相同睇相係好個人嘅事，當d相被評審睇完覺得好有共鳴，就算作品一般，又或者其他作品技巧上出色，但最後評審都會揀合佢地眼緣嘅作品，呢個係好正常嘅事，影相始終唔同賽跑、打波，要鬥快、鬥入波就分到贏同輸，所以平常心就得，輸咗就下次再黎過啦！
p.s.
個比賽d相條link http://www.facebook.com/media/set/?set=a.388224311189986.100002.162124453799974&type=3
有興趣可以估下邊張係我嘅，23/03開估
全站熱搜
留言列表
