l.minor

之前行又一城時, 入咗去UNIQLO睇咗陣, 打算買幾對長襪, 不過, 再望望Cashier, "嘩!駛唔駛咁多人呀!" 通常見到呢啲情況, 即時放低啲野, 唔賣走人!!!
到上星期六, 去咗美麗華UNIQLO買啦, 一望cashier, "嘩! 冇人俾錢, 行快啲先!!!" 跟住就原住條"欄"行, 行到最前時, 有個"阿嬋"又唔係幾似, 又唔可以叫佢係後生女嘅物體係龍頭行過黎,我當時就打算讓開啲俾佢行去我後邊, 點知我就再望吓佢, 心諗:"嘩!!! 妳冇野呀!?

第一, 我係原住條"欄"行入黎排隊嘅!!!
第二, 我係打算讓開俾妳行入去!!!
第三, 妳巳經唔對路啦, 由頭行入, 我都唔理妳, 妳居然重要企我前邊!?
第四, 好多人呀!!! 排第二好辛苦妳呀!?
第五...
第六...
第...

以我平常嘅表現, 佢一定會"死無全屍", 不過, 今次我都真係算好, 我只係講咗句, "吓...唔係吓話...!?" 佢亦都知道自己衰咗, 講咗"eee....hoho..."就走番去我後邊, 我跟住就仍然"EE...我我"咗一陣(同Debbie).

今日, 朝早搭小巴出地鐵站, 如平常一樣, 有幾十人係我前邊(之前暑假期間, 每日都差唔多唔駛點等, 而且唔駛排隊, 但而家又唔覺得有學生排隊等車, 唔通之前間小巴公司請咗啲暑期工抯車??), 我後邊有個四眼物體, 正在品嚐她美味的飲品, 但她好貼近的站在我後邊, 因我差點被她的飲品整濕, 所以才發覺她在我後邊(而她在我後邊的方法就好像打籃球時的防守一樣---- 人釘人, 重要係press果隻), 再等了幾架車, 可以上車了, 她突然走開, 打算走去垃圾筒"入樽", 我在想, 車上也有垃圾桶, 點解架車黎先走去呢? 早唔入, 遲唔入? 佢入完樽後, 就走到我的前面, 心諗 "唔係下話, 又黎!?" 當然, 我係唔會得"請", 我死都要行先, 佢之後望一望我, "望咩望!? 入樽就去籃球場啦!?" 心諗, 冇講出黎, 上車後, 坐低, 我"登住"佢, 佢又好好奇咁望住我, 我冇野好講......點解俾人打尖, 會經常發生係我身上 >_<