close
前兩日返到公司坐lift時，聽到兩位其他樓層嘅女士對話，如下：
女士A：「買咩食呀？」
女士B：「無呀，樓下果間新野，前幾日食過，都幾好味呀！」
女士B續道：「之前食開大家樂，不過d茶唔掂啦！呢間野d茶幾好呀！不過貴兩蚊」
琴日早餐諗唔到食乜，突然腦裡邊「丁」一聲，諗起兩位女士嘅對話，就打算去試下。我叫咗普通港式早餐之類，味道就一般，賣相亦都係一般啦！最想講下佢杯茶，我平時愛叫咖啡，不過上次聽人講話茶掂，緊係叫杯試下！
熱奶茶黎到，我無即時飲，放咗一陣巳經見到起漿（唔係呀？未飲巳覺得唔掂啦！）
一飲覺得奶味又唔夠，又澀，又削，老點咩～～（三合一都好味過佢喎！）
唉～～可惜我唔記得兩位女士個樣，如果唔係我一定叫佢去隔兩條街金鳳試下先。
p.s. 有冇人知點解有d奶茶會起漿呢？水太熱？水溫度唔夠？奶問題？茶問題？烹調過程小咗？原來整一杯好味嘅奶茶都咁有學問！
全站熱搜
留言列表
